أحزرو هؤلاء النساء

ﺇﻥ ﺑﻘﻴﺖ ﺑﺨﻴﺖ ﺭﺑﻨﺎ ﻳﺪﻳﻚ ﻣﺮﺍ
ﻫﺪﻳﺔ ﻭﺭﺿﻴﺔ...
ﺍﻟﺴﻤﺎﺣﺔ ﻣﺎ ﺿﺮﻭﺭﻱ ﻷﻧﻮ ﺃﻱ
ﻣﺮﺍ ﺑﻌﺪ
ﺷﻮﻳﺔ ﻣﺎﺣﺘﻜﻮﻥ ﺳﻤﺤﺔ...
ﻧﺺﻳﺤﺔ ﻟﻴﻚ
ﺍﻟﻨﺴﻮﺍﻥ ﺍﻟﺒﻘﻮﻟﻦ ﻟﻴﻚ ﺩﻳﻞ
ﺃﻭﻋﻚ ﺗﻌﺮﺱ ﻣﻨﻬﻦ ﻭﺍﺣﺪﺓ!!
/1ﺍﻟﻔﻨﺎﻧﺔ ﻭﺍﻟﺤﻨﺎﻧﺔ ﻭﺍﻟﺤﺮﺩﺍﻧﺔ:
ﺃ/ﺍﻟﻔﻨﺎﻧﺔ: ﺩﻱ ﺣﺘﻤﺮﻕ ﻣﻌﺎﻫﺎ
ﻭﺗﻘﻌﺪ ﺗﺤﻮﻡ ﻓﻲ ﺍﻟﺤﻔﻼﺕ
ﻭﺗﺸﻮﻑ ﻟﻴﻚ ﻛﺮﺳﻲ ﻗﺪﺍﺍﺍﺍﻡ
ﺗﻘﻌﺪ ﻓﻴﻬﻮ ﺷﺎﻳﻞ ﻋﻜﺎﺯﻙ
ﻭﺳﻜﻴﻨﻚ ﻓﻲ ﺿﺮﺍﻋﻚ ﻭﻋﻴﻨﻚ
ﻋﻠﻴﻬﺎ ﺇﻥ ﺭﺍﺟﻞ ﺑﺸﺮ ﺳﺎﻛﺖ
ﺗﺘﺤﻨﻔﺶ ﻭﺗﻘﻮﻡ ﺇﻻ ﻳﻬﺠﺮﻭﻙ
ﺇﺗﻨﻴﻦ ﻣﺎﻧﻌﻴﻦ ﻋﻠﻲ ﺍﻟﻜﺮﺳﻲ
ﻭﺗﺠﻮ ﻧُﺺ
ﺍﻟﻠﻴﻞ ﺭﺍﺟﻌﻴﻦ ﺃﻫﻠﻜﻢ ﻭﺍﻟﻨﻬﺎﺭ ﻛﻠﻮ
ﻧﺎﻳﻤﻴﻦ...
ﺏ/ﺍﻟﺤﻨﺎﻧﺔ: ﻃﻮﻝ ﺍﻟﻨﻬﺎﺭ ﺑﺮﺓ
ﺍﻟﺒﻴﺖ ﺗﺤﻨﻦ ﻓﻲ ﻧﺴﻮﺍﻥ ﺍﻟﺮﺟﺎﻝ
ﻭﻫﻲ ﻛﺮﻋﻴﻬﺎ ﻣﺎﺷﺎﻓﻦ ﺍﻟﺤﻨﺔ
ﻣﻦ ﺳﻨﺔ ﺳﺘﺔ
ﻭﺍﻟﻨﻬﺎﺭ ﻛﻠﻮ ﺇﻧﺖ ﺗﺤﺎﺣﻲ ﻓﻲ
ﺍﻟﺸﻔﻊ ﻣﺎﻳﻠﻤﺴﻮﺍ
ﺍﻟﺼﺒﻐﺔ...
ﺕ/ﺍﻟﺤﺮﺩﺍﻧﺔ
: ﺩﻱ ﺣﺘﻜﺮﻫﻚ ﺣﻴﺎﺗﻚ!!! ﺃﻗﻞ
ﻛﻠﻤﺔ ﺗﺘﻠﻔﺢ ﺗﻮﺑﻬﺎ ﻭﺗﺠﺮﻱ ﺑﻴﺖ
ﺃﺑﻮﻫﺎ
ﻭﺇﻧﺖ ﺗﻠﺤﻘﻬﺎ ﻭﺗﻠﻘﻰ
ﺃﺑﻮﻫﺎ...ﺗﻘﻌﺪ ﻓﻲ ﻃﺮﻑ
ﺍﻟﻌﻨﻘﺮﻳﺐ ﺗﻄﻘﻄﻖ ﻓﻲ
ﺃﺻﺎﺑﻌﻴﻚ ﻭﻣﺪﻧﻘﺮ ﻓﻲ ﺍﻟﻮﺍﻃﺔ
ﺩﺍﻳﺮ ﺗﺮﺍﺿﻴﻬﺎ ﻭﺗﺮﺟﻌﻬﺎ ﺍﻟﺒﻴﺖ...
ﺃﺣﺴﻦ ﺣﻞ ﺇﻧﻜﻢ ﺗﺴﻜﻨﻮﺍ ﻣﻊ
ﻧﺎﺱ ﺃﺑﻮﻫﺎ ﺃﻭ ﺗﺠﻴﺒﻮﺍ ﻧﺎﺱ
ﺃﺑﻮﻫﺎ ﻳﺴﻜﻨﻮﺍ ﻋﻨﺪﻛﻢ ﻋﺸﺎﻥ
ﺗﻮﻓﺮﻭﺍ ﺣﻖ ﺍﻟﻤﻮﺍﺻﻼﺕ..
/2 ﺍﻟﻤﺪﺭﺳﺔ ﻭﺍﻟﻤﺪﺑﺮﺳﺔ
ﻭﺍﻟﻤﻔﻠﺴﺔ:
ﺃ/ ﺍﻟﻤﺪﺭﺳﺔ: ﺃﻭﻝ ﺣﺎﺟﺔ ﺩﻱ
ﻣﺎﺑﺘﻘﺪﺭ ﺗﻔﺮﻕ ﺑﻴﻨﻚ ﻭﺑﻴﻦ
ﺍﻟﻄﻠﺒﺔ !!!
ﻭﺣﺘﻘﻌﺪ ﺗﻌﻴﺪ ﻭﺗﻜﺮﺭ ﻓﻲ ﺍﻟﻜﻼﻡ
ﻣﻠﻴﻮﻥ ﻣﺮﺓ
ﻭﻣﺎﺑﻌﻴﺪ ﻓﻲ ﺍﻷﺧﺮ ﺗﻘﻮﻝ ﻟﻴﻚ
ﻓﺎﻫﻢ ﻳﺎﺷﺎﺍﺍﺍﺍﺍﺍﺍﺍﺍﺍﺍﺍﻃﺮ...
ﺏ/ ﺍﻟﻤﺪﺑﺮﺳﺔ: ﺗﻠﻘﺎﻫﺎ ﻃﻮﻝ
ﺍﻟﻨﻬﺎﺭ ﺯﻫﺠﺎﻧﺔ ﻭﺃﺧﻼﻗﻬﺎ ﻓﻲ
ﻃﺮﻑ ﻧﺨﺮﺗﻬﺎ ﻭﻟﻮ ﻛﻠﻜﻠﺘﻬﺎ
ﻣﺎﺗﻀﺤﻚ!!..
ﻓﻲ ﺍﻟﻨﻬﺎﻳﺔ ﺩﻱ ﺣﺘﻮﺩﻳﻚ
ﺍﻟﺘﻴﺠﺎﻧﻲ ﺍﻟﻤﺎﺣﻲ ...
ﺕ/ ﺍﻟﻤﻔﻠﺴﺔ: ﺩﻱ ﻣﺎﺩﺍﻳﺮﺓ ﺃﻱ
ﺷﺮﺡ!!!
/3ﺍﻟﻨﻮﺍﻣﺔ ﻭﺍﻟﺤﻮﺍﻣﺔ ﻭﺍﻟﻠﻮﺍﻣﺔ:
ﺃ/ ﺍﻟﻨﻮﺍﻣﺔ: ﺗﺠﻲ ﻣﻦ ﺍﻟﺸﻐﻞ
ﻧﺺ ﺍﻟﻨﻬﺎﺭ ﺯﻫﺠﺎﻥ ﺗﻠﻘﺎﻫﺎ ﺗﺎﻧﻴﺔ
ﺍﻟﻤﺨﺪﺓ ﻭﺧﺎﺗﺔ ﺇﻳﺪﻫﺎ ﺗﺤﺘﻬﺎ
ﻭﺗﺸﺨﺮ ﻭﺭﻳﺎﻟﺘﻬﺎ ﺳﺎﻳﻠﺔ ﻭﺣﺎﻟﺘﻬﺎ
ﺑﺎﻟﺒﻼ ﺗﻜﺮﻫﻚ ﺍﻟﻴﻮﻡ ﺍﻟﻔﻜﺮﺕ
ﻓﻴﻬﻮ ﺗﻌﺮﺱ...
ﺏ/ ﺍﻟﺤﻮﺍﻣﺔ: ﻃﻮﻝ ﺍﻟﻴﻮﻡ ﻓﻮﻕ
ﻛﺮﻋﻴﻬﺎ ﺯﻱ ﻋﺮﺑﺔ ﺍﻟﻮﺳﺎﺧﺔ
ﻻﻳﺼﺔ ﺍﻟﺤﻠﺔ ﻣﻦ ﺑﻴﺖ ﻟﻲ ﺑﻴﺖ
ﻭﺗﺪﺧﻞ ﺍﻟﺒﻴﺖ ﻗﺒﻞ ﺭﺟﻮﻋﻚ ﻣﻦ
ﺍﻟﺸﻐﻞ ﺑﻲ ﺧﻤﺴﺔ ﺩﻗﺎﺋﻖ
ﺗﺠﺮﻱ ﺗﻮﻟﻊ ﺍﻟﻨﺎﺭ ﻭﺗﺪﻳﻚ ﺍﻟﻐﺪﺍﺀ
ﻭﺃﻭﻝ ﻣﺎﻳﻨﺘﻬﻲ ﺍﻟﻐﺪﺍﺀ ﺗﺪﺧﻞ ﻓﻲ
ﺳﻔﻨﺠﺘﻬﺎ ﺇﺳﺘﻌﺪﺍﺩﺍ ﻟﺠﻮﻟﺔ
ﺟﺪﻳﺪﺓ...
ﺕ/ ﺍﻟﻠﻮﺍﻣﺔ: ﺩﻩ ﻧﻮﻉ ﻣﺰﻋﺞ ﺟﺪﺍً
ﻟﻮ ﺟﺒﺖ ﺳﻴﺮﺓ ﺃﺧﻮﻙ ﺳﺎﺍﺍﺍﺍﺍﺍﻛﺖ
ﺗﻔﺘﺢ ﻓﻴﻬﻮ:
ﺍﻟﻠﻪ ﻳﺴﺄﻟﻨﻲ ﺳﻨﺘﺎ ﺩﻳﻚ ﻭﻛﺖ ﺇﻧﺖ
ﺳﺎﻓﺮﺕ ﻭﺧﻠﻴﺘﻨﺎ ﺑﻼ ﻗﺮﻭﺵ
ﻭﺳﺎﻓﺮﺕ ﻳﺪﺧﻞ ﻋﻠﻴﻨﺎ ﻭﻳﻤﺮﻕ
ﻣﺪﻟﺪﻝ ﺇﻳﺪﻳﻬﻮ ﻭﻻ ﻛﻴﺲ ﻣﻮﺯ
ﺳﺎﻛﺖ ﻣﺎﺟﺎﺑﻮ ﻟﻴﻨﺎ...ﻭﺍﻟﻌﺠﺐ
ﺃﻣﻚ
....ﻫﻴﻴﻴﻴﻴﻴﻴﻴﻴﻴﻲ ﻭﺍﻟﻠﻪ ﺃﻣﻚ ﺩﻱ
ﺃﺻﻠﻬﺎ ﻣﺎﺑﺘﺮﻳﺪﻧﻲ ﻭﻣﻦ ﺗﺸﻮﻓﻨﻲ
ﺗﻨﻄﻠﻖ ﻓﻴﻬﺎ ﺍﻟﻨﻴﺮﺍﻥ ﻭﺗﻤﺪ
ﻗﺪﻭﻣﻬﺎ...
/4 ﺍﻟﺒﻮﺑﺎﺭﺓ ﻭﺍﻟﻜﻮﺑﺎﺭﺓ ﻭﺍﻟﺨﺒﺎﺭﺓ:
ﺍﻟﺒﻮﺑﺎﺭﺓ ﺩﻱ ﺗﺤﻤﻠﻚ ﻓﻮﻕ
ﻃﺎﻗﺘﻚ ﻭﺗﺸﺮﻳﻚ ﺍﻟﻤﺎﺑﻨﺸﺮﻱ ﻭﻟﻮ
ﺟﻮﻛﻢ ﺿﻴﻮﻑ ﻓﻲ ﺍﻟﺒﻴﺖ ﺗﺠﺮﻱ
ﻋﻠﻲ ﻋﻠﺒﺔ ﺍﻟﺪﻫﺐ ﻭﺗﺘﻌﻨﻜﺶ
ﻛﻠﻬﺎ ﻭﺗﻘﻌﺪ ﺗﻨﻀﻢ ﺑﻲ ﺇﻳﺪﻳﻬﺎ
ﻭﻛﺮﻋﻴﻬﺎ ﻭﺭﻗﺒﺘﻬﺎ ﻭﺃﺿﻨﻴﻬﺎ ﻋﺸﺎﻥ
ﺗﻮﺭﻱ ﺍﻟﻨﺎﺱ ﺍﻟﺪﻫﺐ...
ﺏ/ ﺍﻟﻜﻮﺑﺎﺭﺓ ﺩﻱ ﺗﻜﺒﺮ ﻟﻴﻚ ﺃﻱ
ﻣﻮﺿﻮﻉ ﻭﺗﺴﻮﻱ ﻟﻴﻬﻮ ﺗﻮﻡ
ﻭﺷﻤﺎﺭ ﻭﺗﻘﻮﻝ ﻟﻴﻚ
)ﻧﺎﺱ ﺍﻟﻘﺒﻮﺭ ﺩﻗﻮﺍ ﺍﻟﻄﻨﺒﻮﺭ(
ﻭﻟﻮ ﺷﺎﻓﻊ ﻣﻦ ﺷﻔﻌﻚ ﻋﺘﺮ
ﻭﻭﻗﻊ!!! ﻫﻴﻴﻴﻴﻴﻴﻴﻴﻴﻲ
ﺗﺨُﺖ ﺇﻳﺪﻳﻬﺎ ﻓﻲ ﻧﺺ ﺭﺃﺳﻬﺎ
ﻭﺗﺼﺮﺥ ﻭﻭﻭﻭﻭﻭﻭﻭﻭﺏ ﻋﻠﻲ
ﻭﻭﻭﻭﻭﻭﻭﻭﻭﻭﺏ
ﻋﻠﻲ ﺍﻟﻮﻟﺪ ﻣﺎﺍﺍﺍﺍﺍﺍﺍﺍﺍﺍﺕ
ﻭﺍﻟﻤﺼﻴﺒﺔ ﻟﻮ ﻛﻨﺖ ﻧﺎﻳﻢ ﻭﺳﻤﻌﺘﻬﺎ
ﺗﻘﻮﻡ ﻣﺨﻠﻮﻉ ﻭﺗﻤﺮﻕ
ﻣﻦ ﺍﻷﻭﺿﺔ ﺟﺮﻱ ﻭﻟﻮ ﻛﺎﻥ
ﻋﻨﺪﻙ ﻗﻠﺐ ﺗﻤﺮﻕ ﻣﻦ ﺍﻟﻤﻬﺪ ﺇﻟﻲ
ﺍﻟﻠﺤﺪ ﻃﻮﺍﻟﻲ...
ﺕ/ ﺍﻟﺨﺒﺎﺭﺓ:!!! ﺩﻱ ﺑﺘﺤﺐ
ﺍﻟﺨﺒﻮﺭﺍﺕ ﻭﺍﻟﺸﻤﺎﺭﺍﺕ ﺯﻱ ﻋﻴﻮﻧﻬﺎ
ﻭﻟﻮ ﻓﻲ ﻧﻀﻢ ﺗﻠﻘﺎﻫﺎ ﺳﻜﺘﺖ
ﺍﻟﺸﻔﻊ ﻋﺸﺎﻥ ﺗﺴﻤﻊ ﺍﻟﺠﻴﺮﺍﻥ!!!
ﻣﺎﻟﻬﻢ ﺑﻴﻬﺮﺟﻮﺍ ﻭﺻﻮﺗﻬﻢ ﻋﺎﻟﻲ
ﻭﻟﻮ ﻛﺎﻧﺖ ﺑﺘﻜﻮﻱ ﻟﻴﻚ ﻓﻲ
ﻗﻤﻴﺺ ﻭﻻ ﺟﻼﺑﻴﺔ ﻗﻄﻊ ﺷﻚ
ﺗﻔﺘﺶ ﺃﻭﺭﻗﻚ ﻭﺭﺳﺎﻳﻠﻚ ﻓﻲ
ﺍﻟﻤﻮﺑﺎﻳﻞ ، ﺩﺍﻳﺮﺓ ﺍﻟﺸﻤﺎﺍﺍﺍﺭ
ﺍﻟﻤﻼﺡ ﻳﺤﺮﻕ..
ﺍﻟﺠﺮﺩﻝ ﻳﻜﻮﻥ ﺗﺤﺖ ﺍﻟﻤﺎﺳﻮﺭﺓ
ﻳﺘﻤﻠﻲ ﻭﻳﻐﺮﻕ ﺍﻟﺒﻴﺖ ﻭﺣﺮﻣﻜﻢ
ﺍﻟﻤﺼﻮﻥ ﻭﺍﻗﻔﺔ ﻓﺎﺗﺤﺔ ﺧﺸﻤﻬﺎ
ﺯﻱ ﺍﻟﺘﻤﺴﺎﺡ ﻓﻲ ﻧﺺ ﺍﻟﻠﻴﻞ
ﺗﺘﺼﻨﺖ ﻋﻠﻲ ﺍﻟﺠﻴﺮﺍﻥ.
/5 ﺍﻟﻤﻤﺤﻮﻗﺔ ﻭﺍﻟﻤﻄﻠﻮﻗﺔ
ﻭﺍﻟﻼﻳﻮﻗﺔ:
ﺃ/ ﺍﻟﻤﻤﺤﻮﻗﺔ: ﺩﻱ ﻟﻮ ﺟﺒﻴﺖ ﻟﻴﻬﺎ
ﺩﻛﺎﻥ ﻛﺎﺍﺍﺍﺍﺍﻣﻞ ﺧﺘﻴﺘﻮ ﻓﻲ ﺍﻟﺒﻴﺖ
ﺗﻜﻤﻠﻮ ﻓﻲ ﻳﻮﻣﻴﻦ..
ﺏ/ ﺍﻟﻤﻄﻠﻮﻗﺔ: ﻭﺍﺿﺤﺔ ﻭﺿﻮﺡ
ﺍﻟﺸﻤﺲ ﻓﻲ ﺍﻟﺴﻮﻕ ﺍﻟﻌﺮﺑﻲ
ﻭﻣﺎﺩﺍﻳﺮﺓ ﺃﻱ ﺷﺮﺡ
ﺕ/ ﺍﻟﻼﻳﻮﻗﺔ: ﺩﻱ ﺣﻜﺎﻳﺘﻬﺎ
ﺗﺎﻧﻴﺔ!!! ﺗﻤﺴﻚ ﻓﻲ ﻣﻮﺿﻮﻉ
ﻳﺤﻠﻚ ﻣﻨﻮ ﺍﻟﺠﻠﻴﻞ ﺍﻟﺮﺣﻴﻢ
: ﻳﺎﺩﺍ....ﻫﻮﻭﻭﻭﻭﻱ...ﺍﻟﻠﻴﻠﺔ ﻳﺎﻳﻤﺔ
ﻃﺮﺷﺖَ؟؟؟....ﻭﻗﺪُﺭ ﻣﺎﺗﻄﻨﺶ
ﺃﻧﺖ ﻫﻲ ﺗﺰﻳﺪ
ﺇﺻﺮﺍﺭ
ﻭﻣﻤﻜﻦ ﻟﻮ ﻋﺪﻣﺖ ﺍﻟﺤﻴﻠﺔ ﺗﺠﻲ
ﺟﻨﺒﻚ ﻭﺗﺨﺠﻚ ﺧﺠﺔ
ﺟﺎﺍﺍﺍﺍﺍﺍﺍﺍﻣﺪﺓ ﻋﺸﺎﻥ
ﺗﻨﺘﺒﻪ ﻟﻠﻨﻘﺔ
ﻏﺎﻳﺘﻮ ﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ
ﺳﻠﻴﻤﺔ !!