جي ليه

لكل عاق آلم  أمه وأسكن في قلبها الحزن وبعد موتها وبعد  فوات الأوان  يندم  على ما فعله بها  فتقول له عندما يزورها بلسان حالها
خواطر ايمان محمد
جى ليه 
جى  النهارده ليه
واقف على قبري
وبدمع الندم بتبكي 
وتقول وحشاني يا أمي 
ما أنا  كنت قدامك
 بترجى في حنانك
والجحود مالي قلبك 
والقسوه في كلامك
متفكرنيش
 روح متجيش
 ارجوك امشي متوجعنيش
دمعك قلقني 
حرق روحي عذبني
ليه دلوقتي جيلي  
 تعبتني ياله فارقني
أنا مش عايزه زيارتك
 ولا دعوتك تلزمني
وبيني وبين ربي
 كنت مسمحاك يابني
ما انا عمري ما كنت زيك
 ولا قلبي يشبه قلبك
أنا   قلبي قلب أم 
بيحن ويضم
 ويسامح كل ظلمك
وزعلي يادوب ثواني
 ولاقي  حبي نداني
ويفيض لك حناني 
واغفرلك واسامحك
ياله بقي إرجع  لدارك 
وانسى معايا أفعالك 
معدش ينفع دمعك 
ولا ها تفيدك أحزانك 
خلاص أنا روحت بجراحي
 وودعت أيامك 
واختفى زماني
 وارتاح مني كيانك
فروح  بقي و انساني 
ومتفكرش في الماضي
 وتنكش في زكرياتك
لا عمري هارجع تاني 
ولا ها طولني في حياتك
ولا هاتلمح طيفي
  ولا   حتى في أحلامك 
ولا عدت هابكي تاني 
من  قساك وعذابي
إ رتحت كدا يابني
 مش كنت ديما تقولي
امته تموتي وتفارقي
  واديني بعدت عنك 
طب إيه  جابك دالوقتي
 اكنش احلو يت عندك
ولقيت  حبي في قلبك  - 
بعد ما دراني قبري
ونسيت  طول عمرك إنك
قاسي وكاسر بخاطري
وعشت كما الغريب عني 
لا يوم ريحت بالي
 ولا فرحت قلبي
طب جي  النهارده ليه
 واقف على قبري

خواطر ايمان محمد
اميره العذاب