انا احب جيبى اكتر

نتى حبيبتى و نور عينى
بس اوعى تقربى من جيبى
لازعل بجد منك وابعد وتفارقينى
وان كنت صحيح بحبك
بحب اكتر جيبى
انا ببقى فى مشوارى
الاقينى غصب عنى
فى بالى خطرتى وقلبى يناديكى
ويقول انتى حياتى والله وحشتينى
واتمنى ارجع فى ثوانى واضمك فى احضانى
والشوق يبقى واخدنى
وهاموت يا حبيبتى عليكى
ولما ارجعلك ان قلتى هاتى جنيه
ابكى ما بين ايديكى واقول حرام عليكى
لو ربنا يخدك كان كرمنى فيكى
وان كنت صحيح بحبك بحب اكتر جيبى
اسمعى يا حبيبتى لو يوم عييتى او مرضتى
متزعليش منى هادخل واطنش انا
ولا هاقول سلامتك لتقولى طبيب ولادوى
هاتزعلى وتكشرى وتخصمينى يومين
هاتحمل ولا هاتكلم احسن ما تغرمينى جنيه
وان كنت بحبك انتى بحب اكتر جيبى
وفى الاعياد اوعاكى تقولى هات فستان
اصل دماغى تلف تدور وابات عيان
واخرج ولا ارجعشى
تبكى مسالشى
وتدورى تلف عليه
ولا تلقى مكان ليه
والضغط يعلى عليكى
والسكر يا عنيه
وبعد العيد ارجعلك
واحبكلك اكاذيبى
وابكى دمعتين واكيد ها تصدقينى
وبعد ما تهدى شويه
اقول فين العديه
بالقرش والمليم واوعاكى تلف عليه
ناولينى يالله هاتى اوعاكى تحيرينى
لاروحك لابوكى ولا عدتى تلزمينى