سالونى الناس مالك

سألونى الناس مالك وليه ديما بنلاقيكى
كلامك كله حزن والدمع مالى عنيكى
والعذاب جواكى م الجرح اللى ماليكى
والآه من كتر الألم بتصرخ م اللى فيكى
والهموم ليه بتناديكى مالهاالأيام بيكى
قولى لنا ريحينا الله يخليكي
رديت عليهم وقلت
انا اللي من صغر سنى الحزن مصاحبني
وياما الزمان بكانى باعنى ما شتراني
وانا اللى بحب الناس والناس بيعاني
وزرعت الورود فى بستانهم وكنت للشوك جاني
ما أنا الجنايني اللى الورود مفرقاني
واتقفل بابى من بعد فراق أحبابي
واتفرقو خلانى وسابوني وحداني
انادى فى ليل الوحده يرد الصدى تاني
لا صاحب ولا حبيب ولاحد ألاقي
والكل تاه منى كأنه ما يعرفني
ولا شفتهم ولا يوم شافونا
قلت أشوف أحباب تانيين يمكن يعوضونا
يشيلو الأه ويزرعو الأمل فينا
لقيت جرحهم أقوى زود الألم بينا
سهرو ا ليلنا بكو عنينا
قلنا يا مين يضمنا وياخدنا فى حضنهم
يشيلو الألم ويزرعو فرحهم
لكن لقيت أحضان متلونه بحزنهم
بكيت عليهم
وشلت همى مع همهم
أنوح على قلبهم ولا على قلبى
وابكى على نفسى
ولا على دنيا غابت عنى
روحى يا دنيا أبعدي فارقيني
خاصمتك يا دنيا زي مخصمتيني
والله يا دنيا منك زعلانة
ما عادلي دعوه بيكى
والناس بتسألنى مالك
وليه ديما الحزن ماليكى