رثاء حميد

ﻋﻔﺮﺍﺀ ﺍﺣﻤﺪ ﻓﺘﺢ ﺍﻟﺮﺣﻤﻦ ﺧﻮﺟﻠﻰ؛ ﺗﺮﺛﻰ
ﺣِﻤّﻴﺪ!!
ﻛﻞ ﺍﻟﻮﻃﻦ ﺣﻤﻴﺪ
***
ﺍﺫﺍ ﺻﺒﺢ ﺍﻟﺒﻠﺪ ﺣﻤﻴﺪ
ﻓﻼﺟﺮﺡ ﺍﻟﻮﻃﻦ ﻧﺎﺯﻑ
ﻭﻻ ﺍﻟﻔﻘﺮﺍ )ﺍﻟﺒﺘﺎﺗﻮﺍ( ﺣﺪﺍﻙ
ﺭﻏﻴﻔﻢ ﻭﺣﻠﻤﻬﻢ ﻧﺎﺷﻒ
ﻭﻻ ﺍﻟﺸﻬﺪﺍﺀ ﺍﻟﻬﺪﻳﻚ ﻓﻲ ﺍﻟﻘﻴﻒ
ﻣﺮﻛﺐ ﻣﺠﺪﻫﻢ ﻭﺍﻗﻒ
ﺑﻼﻙ ﺿﻞ ﺍﻟﺸﺪﺭ ﺣﻤﻴﺪ
... ﺑﻼﻙ ﻣﻮﻳﺔ ﺍﻟﻤﻄﺮ ﺣﻤﻴﺪ
ﺑﺬﻭﺭ ﺍﻟﻮﺍﻃﺔ ﻳﺎ .. ﺣﻤﻴﺪ
ﻭﺩﻭﺩ ﺍﻷﺭﺽ ﻳﺎ .. ﺣﻤﻴﺪ
ﻃﻠﻮﻉ ﺍﻟﻔﺠﺮِ ﻳﺎ .. ﺣﻤﻴﺪ
ﺑﻼﻙ ﻛﻞ ﺍﻟﺴﻤﺢ ﻣﺎﺳﺦ
ﻭﻧﻮﺭﻱ )ﺣﺰﻳﻨﻲ( ﺗﻨﺪﻩ ﻟﻴﻚ
ﺗﻌﺎﻝ ﺣﻀﻦ ﺍﻟﻮﻃﻦ ﻭﺍﺳﻊ
ﺗﻌﺎﻝ ﺍﺭﻗﺺ ﻫﻨﺎﻙ ﺷﺒﺎﻝ
ﺗﻌﺎﻝ ﺧﺖ )ﺍﻟﻀﺮﻳﺮﻱ( ﺗﻌﺎﻝ
ﺗﻌﺎﻝ ﺗﺎﻭﻕ ﻋﻠﻲ ﺍﻟﻤﺎﻓﻴﺶ
ﺗﻌﺎﻝ )ﻣﻨﺪﻟﻲ( ﻟﻠﺸﺎﺭﻉ
ﺃﻳﺎ ﺣﻤﻴﺪ ...
ﺳﺠﻮﻥ ﺍﻷﺭﺽ ﺗﻨﺪﻩ ﻟﻴﻚ
ﺗﺴﺎﺑﻪ ﻭﻣﻮﻳﺘﻪ )ﺍﻟﻄﺎﻋﻤﻲ(
ﺷﺠﻮﻧﺎ ﻭﺣﻠﻤﻬﺎ )ﺍﻟﺪُﻓﻴﻖ(
ﺯﻧﻮﺟﻪ ﻭﻧﻮﺑﺘﻪ )ﺍﻟﺮﺍﻃﻨﻲ(
ﺗﺠﺮﺗﻖ ﺑﺎﻟﻨﻀﺎﻝ ﻛﻔﻴﻚ
ﺃﻳﺎﺣﻤﻴﺪ ...
ﻓﻤﺎﻋﺮﻑ ﺍﻟﺨﻨﻮﻉ ﻗﻠﻤﻚ
ﻭﻣﺎﺑﺪﻟﺘﻪ ﻃﻴﻦ ﺇﻳﺪﻳﻚ
ﺗﺴﺎﺳﻖ ﻓﻲ ﺍﻟﺪﺭﻭﺏ ﺗﺰﺭﻉ
ﺟﺮﻭﻑ )ﺍﻟﻠﻮﺑﻲ( ﺗﺸﻬﺪ ﻟﻴﻚ
ﺃﻳﺎﺣﻤﻴﺪ ...
ﺇﺫﺍ ﻛﺎﻥ ﺍﻟﺤﺮﻑ ﻭﺍﺳﻮﻕ
ﻓﻤﺎ ﺑﺎﻝ ﺍﻟﺤﺸﺎ ﺍﻟﻤﺤﺮﻭﻕ ؟
ﻭﻣﺎ ﺑﺎﻝ ﺍﻟﺠﺮﺡ ﻣﻔﺘﻮﻕ؟
ﻭﻣﺎﺑﺎﻝ ﺍﻟﻨﻀﺎﻝ ﺗﻬﻤﻪ ؟
ﺃﻳﺎ ﺣﻤﻴﺪ ...
ﻣﺎﻓﺮﻃﻪ ﻓﻲ ﻓﺪﺍﻥ
ﻭﻣﺎ ﺑﻴﺘﻪ ﺑﻲ ﺗﺨﻤﺔ
ﻭﻣﺎ ﺻﺎﺭﻣﺘﻪ )ﻓﺪ( ﺇﻧﺴﺎﻥ
ﻭﻣﺎ ﺑﺎﻳﻌﺘﻪ ﺷﺎﻥ ﻟﻘﻤﺔ
ﻋﺴﺎﻛﺮ ﻭﻣﺸﻨﻘﺔ ﻭﺑﻨﺒﺎﻥ
ﺃﻳﺎ ﺣﻤﻴﺪ ...
ﺇﺫﺍ ﺻﺒﺢ ﺍﻟﻄﻼﻕ ﺇﺣﺴﺎﻥ
ﻓﻬﻞ ﺣﺒﻞ ﺍﻟﻮﻃﻦ ﺭﺍﺟﻊ ؟
ﻭﻫﻞ ﻛﻞ ﺍﻟﺒﻨﻮﺡ ﺻﺮﻣﺎﻥ ؟
ﻭﻫﻞ ﺑﻌﺪﻙ )ﺗﻤﻠﻲ( ﻧﻜﻴﻞ
ﻛﺆﻭﺱ ﺍﻟﻨﺼﺢِ ﻟﻠﺴﺠﺎﻥ ؟
ﺃﻳﺎ ﺣﻤﻴﺪ ...
ﺣﻨﺎﻧﻚ )ﺃﺩَّﻧَﺎ( ﺍﻟﻐﻔﺮﺍﻥ
ﻓﻤﺎﺻﺎﺑﺮﻧﺎ ﺷﺎﻥ ﻧﻔﺪﻳﻚ
ﻭﻻﻗﺎﺗﻠﻨﺎ ﺷﺎﻥ )ﻧﻜﺮﻳﻚ(
ﺗﻌﻴﺶ ﺩُﻏُﺶ ﺍﻟﻮﻃﻦ ﺍﻟﺤﺎﻥ
ﻣﺼﺎﺑﻴﺢ ﺍﻟﺴﻤﺎ )ﺍﻟﺘﺎﻣﻨﻲ(
ﺗﻘﺎﻟﺪ ﻓﻲ ﺩﻣﻮﻋﻨﺎ ﻫﺪﻳﻚ
ﺗﺮﺗﻖ ﻓﻲ ﺍﻟﺨﻠﻮﻕ ﺭﺗﻴﻖ
)ﺗﻜﺎﺭﻥ( ﻓﻘﺪﻙ ﺍﻟﻨﺎﺳﻮﺭ
ﺃﻳﺎ ﺣﻤﻴﺪ ...
ﺑﻜﺎﺭﺓ ﺍﻟﻮﺍﻃﻪ ﺗﻨﺪﻩ ﻟﻴﻚ
)ﺑُﻄَﺎﻥ( ﺍﻟﺼﺒﺮ ﻳﺎﺣﻤﻴﺪ
ﺣﻠﻴﺒﻢ ﻭﻫﺪﻣﺘﻢ ﻋﻨﺪﻙ
ﺃﻳﺎ ﻛﻞ ﺍﻟﻮﻃﻦ ﻧﻔﺪﻳﻚ
ﻭﻣﺎ ﻛﻞ ﺍﻟﺒﻨﻮﻩ ﺣﻼﻝ
ﺃﻳﺎ ﺯﻳﻨﺔ ﺍﻟﻮﻻﺩ ﺍﻟﺒﺎﺭ
ﺇﺫﺍ ﻣﺴﺦ ﺍﻟﻨﻀﻢ ﻣﻌﺰﻭﺭ
ﻓﻤﺎ ﻛﻞ ﺍﻟﻜﺴﺮ ﻣﺠﺒﻮﺭ
ﻭﻻ ﻛﻞ ﺍﻟﺒﻤﻮﺕ ﻭﺍﻓﻖ
ﻭﻻ ﻛﻞ ﺍﻟﺮﺣﻞ ﺣﻤﻴﺪ
ﺇﺫﺍ ﻛﻤﻞ ﺍﻟﺤﺰﻥ ﺣﺮﻣﺎﻥ
ﻭﻣﺎﺃﻇﻦ ﺍﻟﻔﻘﺪ ﻭﺍﺣﺪ !
ﻭﻣﺎﻛﻞ ﺍﻟﺮﺣﻞ ﺣﻤﻴﺪ
ﻭﻣﺎﻛﻞ ﺍﻟﺮﺣﻞ ﺣﻤﻴﺪ