قصيدةعيد ميلاد الشاعر بشرى ابراهيم

ﻭﺍﻧﺎ ﻣﻦ ﺯﻣﻨﺎ ﺧﺪﻭ ﻣﺸﻠﺦ
ﻭﻫﻰ ﻣﻦ ﺍﺯﻣﺎﻧﺎ ﺧﺪﻫﺎ ﺳﺎﺩﻩ
ﺍﺗﻌﺠﺒﺖ ﺳﻤﺎﺣﺎ ﻣﻮﺍﺗﺮ
ﻃﺒﻘﺎﺕ ﻋﺎﻟﻴﺔ ﻭﻛﻠﻬﺎ ﺳﺎﺩﻩ
ﻭﻛﺎﻧﺖ ﺑﻴﻨﺎ ﻓﻮﺍﺭﻕ ﺷﺎﺳﻌﺔ
ﺍﺗﻌﺎﺭﻓﻨﺎ
ﻭﻛﺎﻧﺖ ﺟﺎﺩﻩ
ﻭﻗﺎﻟﺖ ﻋﻴﺪ ﻣﻴﻼﺩﻯ ﺍﻟﺸﻬﺮ ﺍﻟﺠﺎﻯ
ﻭﻻﺯﻡ ﺗﺤﻀﺮﻭﺍ
ﻗﺘﻠﻬﺎ ﺧﻴﺮ
ﻗﺘﻠﻬﺎ ﺧﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﺮ
ﻭﺩﺧﻞ ﻓﻰ ﺍﺿﺎﻓﺮﻯ
ﺗﻘﺼﺪﻯ ﺍﻳﻪ ﺑﻰ ﻋﻴﺪ ﻣﻴﻼﺩﻩ؟
ﺍﻳﺎ ﺭﺑﻰ ﺍﺗﻮﻟﺪﺕ ﻳﺎ ﺩﺍﺑﺎ؟
ﻳﺒﻘﻰ ﺍﻻﻋﻴﺎﺩ ﺳﻮﻫﺎ ﺯﻳﺎﺩﺓ؟
ﺍﻣﻜﻦ ﻭﻟﺪﺕ ﻭﺍﻧﺎ ﻣﺎ ﻋﺎﺭﻑ؟
ﻳﻤﻜﻦ ﻣﻴﻼﺩ ﻋﻴﺴﻰ ﻭﺍﺟﺪﺍﺩﻫﺎ
ﻳﺎ ﺭﺑﻰ ﺑﺪﻗﻮﺍ
ﺍﻟﺪﻟﻮﻛﺔ؟؟؟؟؟؟؟؟؟
ﻭﺑﻌﺰﻣﻮﺍ ﺍﻟﺤﻼﻝ ﻛﺎﻟﻌﺎﺩﻩ
ﺑﺲ ﻗﺘﻠﻬﺎ ﺧﻴﺮ ﻭﺍﻧﺎ ﺟﺎﻳﻴﻜﻢ
ﻭﻋﺪﻳﻠﺔ ﻭﺯﻳﻦ
ﻭﺍﻟﺸﻬﺮ ﺍﻟﺠﺎﻯ
ﻣﺮﻕ ﻣﺮﻛﻮﺑﻰ ﻣﻦ ﺍﻟﺴﺤﺎﺭﺓ
ﺩﺍﻗﺎﻫﻮ ﺍﻟﻤﻄﺮﺓ ﻗﺒﻞ ﺷﻬﺮﻳﻦ
ﻭﻧﻜﺖ ﻃﺎﻗﻴﺘﻰ ﻣﻦ ﺍﻟﻌﻀﺎﺿﺔ
ﺳﻠﻴﺘﻠﻰ ﺛﻤﺎﺩ ﺭﻗﻌﺘﻬﺎ ﺯﻳﻦ
ﺳﺪﻳﺮﻳﺘﻰ ﺍﺑﻮﻯ ﻣﺴﻮﻳﻬﺎ ﻟﺒﺪ
ﻓﺮﺗﻘﺖ ﺍﻟﻠﺒﺪﻩ ﻣﺮﻗﺘﻬﺎ ﻃﻴﻦ
ﻋﺮﺍﻗﻰ ﻣﻐﺰﻭﺯ ﻓﻰ ﺍﻟﻜﻮﻛﺎﺭ
ﻛﺎﻥ ﺳﻮﻫﻮ ﻭﻗﺎﻳﺔ ﻭﻛﺖ ﻓﺎﺯﻋﻴﻦ
ﺳﺮﻭﺍﻝ ﻣﺪﻓﻮﻥ ﻓﻰ ﺭﻫﻞ
ﺍﻟﻌﻴﺶ
ﻣﻠﻔﻮﻑ ﻣﺤﺸﻮﺭ ﺑﻴﻦ ﺷﻮﺍﻟﻴﻦ
ﻟﻤﻴﺘﻦ ﻭﺍﺩﻳﺘﻦ ﺷﻄﻔﺔ
ﺷﺮﻳﺘﻦ ﻓﻮﻭﻭﻭﻕ ﻓﻰ ﺯﺭﻳﺒﺖ
ﺍﻟﺰﻳﻦ
ﻭﺍﻟﺰﻳﻦ ﺑﻘﺮﺍﺗﻮ ﻣﻜﻮﻓﺮﺍﺕ ﺗﺐ
ﻣﺪﻏﻦ ﻃﺎﻗﻴﺘﻰ ﻫﺮﻧﻬﺎ
ﺯﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻲ ﻥ
ﺷﺎﻓﺘﻦ ﺍﻟﺴﺮﺓ ﺑﺖ ﺍﻟﻬﺮﺍﻑ
ﻃﺮﺩﺗﻦ ﻭﺟﺎﺑﺘﻦ ﻟﺘﺎﻑ
ﻭﻏﻀﺒﺖ ﻏﻀﺐ
ﻭﻋﺰﻣﺖ ﺍﻗﻮﻡ
ﺟﻔﻦ ﻣﺎ ﺟﻔﻦ
ﺍﻗﻮﻡ ﻓﻰ ﺍﻟﺤﻴﻦ
ﻣﺮﻗﺖ ﻭﻭﺷﻰ ﻣﻄﻮﻃﻮ ﺗﺐ
ﻭﺻﺘﻨﻰ ﺍﻟﺤﻠﺔ ﺭﺟﺎﻝ ﻭﻋﻮﻳﻦ
ﻭﺻﺘﻨﻰ ﺍﻡ ﻧﻮﻓﻞ ﻟﻰ ﻛﺮﻛﺎﺭ
ﻛﺎﻥ ﺗﻠﻘﻰ ﻭﺩﻙ ﺟﻴﺐ ﻟﻰ ﺭﻃﻠﻴﻦ
ﻭﻗﺮﻭﺷﻰ ﺣﻠﻒ ﺻﺮﺓ ﻭﺑﻰ ﺧﻴﺖ
ﻭﺻﺘﻨﻰ ﺣﻠﻴﻤﺔ ﺑﺖ ﺍﻟﻌﺠﺒﻴﻦ
ﺳﺮﻭﺍﻝ ﻟﻰ ﻣﺤﻤﺪ ﻭﺭﻃﻠﻴﻦ ﺑﻦ
ﺑﻨﺒﻴﻌﻠﻨﺎ ﺷﻲ ﻭﻧﺪﻳﻚ ﺑﻌﺪﻳﻦ
ﻭﺻﺎﻧﻰ ﺍﻟﻬﺎﺑﺮ ﻟﻰ ﻣﺮﻛﻮﺏ
ﻣﺨﻠﻮﻓﺔ ﻭﺳﺮﺝ ﻭﻛﺮﺑﺎﺟﻴﻦ
ﻋﻨﻘﺮﻳﺐ ﻭﻣﻮﺳﺮ ﺑﻰ ﺣﺒﺎﻝ ﻗﺪ
ﺗﻴﺒﺎﺭ ﻭﻣﺴﻠﺔ ﻭﺍﺑﺮﻳﻖ ﻃﻴﻦ
ﻭﺍﻟﻨﺎﺱ ﺑﺘﻮﺻﻰ ﻭﻏﺒﻴﺎﻧﺔ
ﻭﺍﻟﻨﺎﺱ ﻏﺒﻴﺎﻧﺔ ﻭﺑﺘﻮﺻﻰ
ﻭﺍﻧﺎ ﻇﺮﻓﻰ ﻣﻜﺪﺭ ﺯﻯ ﺍﻟﻄﻴﻦ
ﻭﺑﺘﻮﺻﻰ ﻭﺯﻯ ﺑﺎﻳﻌﻠﻰ ﺑﻌﻴﺮ
ﻭﺍﻧﺎ ﺑﺎﻳﻊ ﺗﻴﺴﻰ ﻭﻋﻴﺶ ﻛﻴﻠﺘﻴﻦ
ﻭﺍﻟﺘﻴﺲ ﺍﻋﻮﺭ ﻣﺎ ﺟﺎﺑﻠﻮ ﺳﻌﺮ
ﻭﺍﻟﻌﻴﺶ ﺑﺘﺎﺏ ﻭﻣﺴﻮﺱ
ﻭﺷﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻦ
ﺗﺘﺴﻮﺩ ﺧﺘﻮﺓ ﻫﺎﻟﺴﻔﺮﺓ
ﺍﻧﺎ ﻣﺎﺷﻰ ﻟﻮﺍﺟﺐ ﺍﻗﻮﻡ
ﺑﺎﻟﺪﻳﻦ؟؟؟؟
ﻭﺭﻛﺒﺖ ﺍﻟﺒﺎﺹ ﻣﺨﻼﺗﻲ ﺩﻓﺲ
ﻛﺪﻭﺳﻲ ﻭﺣﻘﺘﻲ ﻭﻋﻮﺩ ﺳﻜﻴﻦ
ﻭﺍﻧﺎ ﺭﺍﻛﺐ ﻓﻲ ﺍﻟﺒﺎﺹ ﺑﺘﺄﻣﻞ
ﻳﺎﺭﺑﻲ ﺑﺠﻴﺒﻮ ﺍﻟﺤﻜﺎﻣﺎﺕ
ﺑﺘﺴﻮ ﺩﻟﻮﻛﺔ ﺑﻴﺠﻮﺍ ﺍﻟﺤﻼﻝ
ﺿﺎﺑﺤﻴﻦ ﺗﻴﺮﺍﻥ ﺍﻡ ﺧﺮﻓﺎﻥ ﺻﺮ
ﻣﺪﻗﻘﻴﻦ ﻛﻤﻴﻦ ﺷﻮﺍﻻﺕ ﻋﻴﺶ
ﻭﺍﻧﺎ ﻣﺎﻟﻲ ﻭﻣﺎﻝ ﻋﻴﺪ ﻣﻴﻼﺩﻥ
ﺍﻥ ﻧﻘﺮﻭﺍ ﺍﻟﺪﻟﻮﻛﺔ ﺍﻭﻻﺩﻥ
ﺍﻧﺎ ﺑﻨﺰﻝ ﺣﺮﺑﻲ ﻭﻣﺘﻌﻜﺰ
ﻭﺍﺩﺍﺭﻕ ﺍﺻﻘﺮ ﻓﻲ ﺍﻟﺪﺍﺭﺍﺕ
ﻭﺍﻧﺎ ﻣﻌﺮﻭﻭﻭﻭﻭﻭﻭﻭﻭﻑ ﺧﺮﺍﺏ
ﺣﻔﻼ ﺕ
ﻭﺍﻣﺴﻚ ﺻﻮﺗﻲ ﺍﻟﻤﺪﻫﻮﻥ
ﻗﻄﺮﺍﻥ ﻭﺍﺭﻛﺰ ﻭﺍﻧﺪﻕ
ﺷﺎﻥ ﺍﻟﺴﻤﺤﺎﺕ ﻣﺎ ﻳﻘﻮﻟﻦ ﺿﻴﻔﻨﺎ
ﻗﺮﻳﺰﻥ ﺳﺎﻛﺖ
ﻭﻭﺻﻞ ﻭﺳﻌﻞ ﻻﻣﻦ ﺟﻴﺘﻦ
ﻭﻫﺪﺍﻙ ﺍﻟﺒﻴﺖ ﻳﺮﻗﺶ ﻟﻮﺣﺎﺕ
ﻭﺻﻞ ﻭﻟﻘﻴﺖ ﺍﻟﺒﻴﺖ ﻣﺰﺭﻭﺩ ﻻﺣﺪﻭ
ﺑﻨﺎﺕ ﺳﻤﺤﺎﺕ
ﺷﺎﻳﻼﺕ ﻫﺪﻳﺎﺕ
ﻭﺣﺪﺍﺕ ﻭﺭﺩﺍﺕ
ﻭﺣﺪﺍﺕ ﺯﻫﺮﺍﺕ
ﺷﺎﻳﻼﺕ ﺭﺳﻤﺎﺕ ﻓﻲ ﺷﻜﻞ
ﺍﺭﻧﻮﺏ
ﻭﺍﺳﻮﺩﻭﻧﻤﻮﺭ ﺳﺒﺤﺎﻥ ﺍﻟﻠﻪ ﺯﻱ
ﺍﻟﻤﻴﺘﺎﺕ
ﻳﻀﺎﺣﻜﻮ ﻗﺮ ﺣﺎﻳﺸﻴﻦ ﺻﻴﻨﻴﺔ ﺗﺒﻖ
ﺷﻤﻌﺎﺕ
ﻣﺎﻑ ﺯﻭﻝ ﻗﺎﻟﻲ ﺍﻧﺖ ﻣﻨﻮ
ﻣﺎﺑﻌﺮﻓﻮ ﺍﻟﻀﻴﻒ ﺯﻱ ﺍﻟﺨﻮﺍﺟﺎﺕ
ﻟﺘﻴﺖ ﻋﻜﺎﺯﻱ ﻭﻗﻔﺖ ﻃﺮﻑ
ﻣﻠﺺ ﻧﻌﻼﺗﻲ ﺍﺗﻔﺮﺟﺨﺘﺎ
ﻟﻲ ﺗﻔﻪ ﺧﻼﻟﻲ ﻣﻀﻨﻘﻠﻮ ﺗﺐ
ﺳﻜﻴﻨﻲ ﻣﻠﺴﻨﻪ ﺑﺎﻟﺠﻤﺒﺎﺕ
ﺗﺒﻤﺎﻛﻲ ﻭﺣُﻘﺘﻲ ﻣﺰﺭﻭﺩﺍ ﻭﻟﻌﺘﺎ
ﻛﺪﻭﺳﻲ ﻭﺍﺧﺪ ﺟﺒﺪﺍﺕ
ﻭﺍﻥ ﺑﺘﺄﻣﻞ ﻫﺬﺍ ﺍﻟﻌﺎﻟﻢ ﻳﺎﺗﻮ
ﺍﻟﺒﻨﻮﺕ ﻭﻳﺎﺗﻮ ﺍﻟﺠﻨﻴﺎﺕ
ﻭﺑﺤﺮﺕ ﻋﻴﻨﻲ ﻻﻣﻦ ﺑﺮﻗﻦ
ﻛﻞ ﺍﻟﺒﻨﻮﺕ ﺯﻳﻬﺎ ﺳﻤﺤﺎﺕ
ﻭﺍﻟﺒﻘﺮ ﺍﺷﺎﺑﻪ ﻟﻲ ﺿﻤﺔ
ﻣﺎ ﻋﺮﻓﺖ ﺍﻟﺮﺍﺣﻦ ﻭﺍﻟﻔﺎﻳﺘﺎﺕ
ﻟﻲ ﺣﺴﻦ ﺍﻟﺤﻆ ﻫﻲ ﺍﻟﻨﻘﺮﺗﻨﻲ
ﻣﺎ ﺷﺎﻟﺖ ﺷﻚ ﻣﻦ ﺷﺎﻓﺘﻨﻲ
ﺳﺎﻗﺘﻨﻲ ﻭﻗﺎﻣﺖ ﺑﺎﻟﻮﺍﺟﺐ ﻫﻲ
ﺍﺻﻴﻠﺔ ﻭﺭﺍﺳﻴﺔ ﻭﺳﺖ ﺣﻮﺑﺎﺕ
ﻧﺎﺩﺕ ﺻﺎﺣﺒﺎﺗﺎ ﺑﻨﺘﻌﺎﺭﻑ
ﻧﺎﻧﺴﻲ ﻭﻧﺎﻧﺪﻯ ﻭﺷﻴﻤﺎﺀ ﻭﻟﻤﻴﺎﺀ
ﻭﺣﻮﺭﺍﺀ ﻭﻛﻔﺎ
ﻣﻦ ﻭﻳﻦ! ﻣﻦ ﻟﻨﺪﻥ ﺟﻴﻨﺎ ﺍﻣﺲ
ﺭﺍﺟﻌﻴﻦ ﺑﺎﻛﺮ ﺯﻱ ﻫﺎ ﺍﻟﺤﻈﺎﺕ
ﻣﻦ ﺍﻟﻄﺎﻳﻒ ﻭﺍﻟﻤﻨﺸﻴﺔ ﻭﻣﺪﻳﻨﺔ
ﺍﻟﻨﻴﻞ ﻭﺑﻨﻮﺕ ﺭﺍﻗﻴﺎﺕ
ﻃﻴﺒﺎﺕ ﻃﻴﺒﺔ ﻭﻛﻞ ﻛﻠﻴﻤﺔ ﻣﻌﺎﻫﺎ
ﺿﺤﻴﻜﺔ
ﻭﻧﻀﺎﺍﺍﻑ ﻭﺭﻫﺎﺍﺍﺍﻑ ﺯﻱ ﺍﻟﻠﻌﺒﺎﺕ
ﻭﺍﺣﺪﺗﺎٌ ﻓﻴﻬﻦ ﺳﻤﺤﺔ ﺳﻤﺎﺡ ﻟﻜﻦ
ﻣﻲ ﻃﺎﻋﻤﺔ
ﻭﺍﻧﺎ ﺯﻭﻝ ﻣﺴﺘﻐﺮﺏ ﻓﻲ ﺣﺎﺟﺎﺕ
ﺍﻥ ﺯﻭﻝ ﺍﺳﺮﺍﻧﻲ ﺳﻤﺎﺣﺘﺎً ﻛﺎﺳﻴﺎ
ﺑﻨﺖ ﺍﻟﺒﻠﺪ ﺍﻟﻬﺎﺩﻳﻪ ﻭﺭﺍﺳﻴﺔ
ﻭﺿﻤﻴﺮﺍ ﺍﻟﺤﻲ ﺍﻟﺘﺐ ﻣﺎﻣﺎﺕ
ﻭﻗﺎﻟﺖ ﻟﻲ
ﻋﺮﻑ ﻧﻔﺴﻚ ﺑﻲ ﻋﺒﺎﺭﺍﺕ
ﻋﺮﻑ ﻧﻔﺴﻚ ﺑﻲ ﻋﺒﺎﺭﺍﺕ
ﻗﺘﻠﻴﻬﺎ : ﺍﻧﺎ ﺍﻻﺳﺪ ﺍﻟﺤﺮﺱ ﻏﺎﺑﺘﻮ
ﺍﻟﻀﺮﻳﺎ
ﻭﺍﻧﺎ ﺍﻟﺴﺎﻋﺔ ﺍﻟﻜﺘﺎﻝ ﺑﺨﺘﻒ ﺣﺪﻳﺎ
ﻭﺍﻧﺎ ﺍﻟﺪﺍﻳﺮﻧﻲ ﻣﺎﺑﺠﻴﺐ ﻟﻲ ﻫﺪﻳﺎ
ﻭﺳﺎﺭﺡ ﻣﺪﺭﺝ ﺍﻡ ﻫﺒﺞ ﺍﻟﺘﺨﻴﻪ
ﻣﺮﺍﺗﻊ ﺍﻟﻠﺒﻞ ﺍﻟﻀﺎﻥ ﺍﻟﺴﻌﻴﻪ
ﻭﺍﺩﺭﺝ ﻋﺎﺻﻔﺔ ﺍﻟﻠﻘﺪﺓ ﺍﻟﺴﺨﻴﻪ
ﻭﺍﺩﺭﺝ ﻋﺎﺻﻔﺔ ﺍﻟﻠﻘﺪﺓ ﺍﻟﺴﺨﻴﻪ