عبارات لكيفيه تربيه الابناء

عبارات مختصرة ورائعة في كيفية التعامل مع الأطفال :



1ـ اذا عاش الطفل في جو من التشجيع يتعلم الثقة بالنفس.

اتعودي لو عمل حاجة حلوة كافايه
ولو عمل حاجة غلط عاقبيه
بس في الاول والاخر متنسيش
ده طفل طفل طفل



2ـ اذا عاش الطفل في جو من التحمل يتعلم الصبر.

حاولي متعطيهوش كل حاجة عشان يعرف انه مرة في ومرة مفيش
وانه كله بيد الله ويتعلم الصبر



3ـ اذا عاش الطفل في جو من المديح يتعلم الرضى والمحبة.

طول ما انتي دايما بتكافئيه لما يعمل حاجة صح ولو بالشكر
هيتعود يشكر على الاقل لما حد يعمله حاجة كويسة



4ـ اذا عاش الطفل في جو من المشاركة يتعلم العطاء والكرم
بمعنى انه يمكننا مشاركتهم فى الطعام وتعليمهم مساعده الغير


5ـ اذا عاش الطفل في جو من النزاهه يتعلم الصدق.

فعلا لو وعدتيه بشئ فلازم توفي
حتى ولو حاجة بسيطة جدااااا لازم توفي بيها
واياكي والكدب امامه



6ـ اذا عاش الطفل في جو من الانصاف يتعلم العدل.

فعلا واولا المساواة في الحب بين الابناء عدل



7ـ اذا عاش الطفل في جو من مراعاة المشاعر يتعلم الاحترام

لازم نخليه يحترم الكبير
ولايرفع صوته على حد كبير
حتى ولو على سبيل المزاح



8ـ اذا عاش الطفل في جو من المحاسبة والانتقاد يتعلم الكذب

الطفل بيبدأ يكدب
لما يلاقي الام او الاب واقفين له على الواحدة
بس مش تشوفي ابنك بيعمل حاجة غلط وتسكتي
لازم المتابعة اول باول بس بهدوء



9ـ اذا عاش الطفل في جو من الاحباط والعنف يتعلم العدوان.

لازم تخليه يزور اقاربه
عشان يكون اجتماعي
وشجعيه عشان يكون له شخصية مستقلة




10ـ اذا عاش الطفل في جو من الخوف يتعلم الضعف والقلق.

دايما عرفي ابنك
اننا لانخاف من احد لان الله معانا
واطاعته لامه وابوه احترام مش خوف
وانه دايما يقول الصدق عشان هو اللي بينجى
وطبعا بعدم ضربك له لو صارحك بخطأ عمله



11ـ اذا عاش الطفل في جو من الوحدة الاجتماعية يتعلم الانطواء.

حاولي تعرفيه باهمية صلة الرحم
وثوابها فسوف تلاحظي انه اصبح اجتماعي



12ـ اذا عاش الطفل في جو من السخرية يتعلم الخجل.

اياك تسخري منه لو عمل حاجة غلط
بالعكس
خليه دايما يختار حاجته بنفسه من صغره
وهذا سيجعلة شخصية رائعة



13ـ اذا عاش الطفل في جو من الغيرة يتعلم الحسد.

اوعي تفرقي بين اولادك
دايما حاولي تكوني عااااادلة



14ـ اذا عاش الطفل في جو من الاهتمام الزائد يتعلم عدم الاعتماد على النفس.

خليه يساعدك في شغل البيت
خليه يجرب اي حاجة جديدة عشان
يتعلم بس لازم تكوني معاه في الاول

اتمني اكون افدتكم