وعدك ياحالم كلمات :الاستاذ حسن محمود ابو بكر غناء : الفنان الطاهر بحري

وعدك ياحالم
كلمات :الاستاذ حسن محمود ابو بكر
غناء : الفنان الطاهر بحري
في الوداد وعدك ياحالم كنت ديمه تبدلو
كنت بنتظرك بشوقي ولو تغيب بتحملو
وتعتذر..عذرك ياظالم شان عيونك بقبلو
مافي عاشق قاسي عاتب حبو لما يزعلو
كل صد منك دلال .. وكل دل منك حلو

لو تهَود يوم وتسرح في النجوم وتلاطفا
افتكر كم نجمه طلت وغاذلتنا بنعرفا
والقمر.. بيزيد محاقو يوم تعاند بالجفا
وكم تكمل في صفاه ونحن في لحظه صفا
تشهد الافلاك .. بريدنا وبالمحنه وبالوفا

ياما شلت الهم معاك وياما انت بكيت معايا
وياما غنيتني بمشاعرك يانغم عطر غنايا
ولو تصون عهدك معاي وترعي اخلاصي ووفايا
بي رضاك الدنيا تبسم وانسي اهاتي وشقايا
لاقيوم تحجب سماك ولا بتتوه في الهم خطايا

» زاهي في خدرو : كلمات : الراحل محمود ابو بكر .غناء :الفنان الطاهر بحري
» قريبا الفنان الطاهر بحري في تجربه مع الاستاذ الشاعر حسن محمود ابو بكر
» الفنان الطاهر بحري امي الله اسلمك عود
» اغنيه ناس بحري للفنان الطاهر بحري
» اغنيه المحكمه للفنان الطاهر بحري