ميهمنيش حكمك يا قاضى

ميهمنيش حكمك يا قاضي

\\\\\\\\\\\\\\\\\\\\\\\\\\\\\\\\\\
حبيبى ياللى الزمان حكم بفراقى
ميهمنيش حكمك يا قاضى
ميهمنيش لوم عزالى
محدش يقدر يكتب فراقى
مهما بعدت هاقبلك فى الليالى
وارسمك جوى عيونى ارسمك فى خيالى
هاكلمك عن غرامى واوصفلك اشواقى

واقولك مهما نبعد انت كل أحبابى
والاقيك بحنانك ترضينى و تروي حرمانى
يا حياتى هى حياتى تسوى ايه من غيرك انت
وانت حبيبى وكل عمرى وبهواك تحلالى الدنيا
يادنيا كبيره من غيرك انت تبقى فاضيه
لو انت ترضى ببعادى حبيبى انا راضيه

عشانك انت ارضى بدمعى بفراقى بكل قسوه
مدام تكون سعيد حبيبى ميهمنيش الا رحتك
عشان بحبك وبخاف عليك صدقنى ها رضى بعدك
بس ها قابلك كل لحظه ما انت منى وانا منك
ماانت جوى فؤادىو القلب عشقك
وعمر روحى فى لحظه ماتيجى يوم وتفارقك
هارضى بفراق الاحبه بس انت تفارقنى لأ
كفايه تبقى معايا تبقى حبى وهوايا
تبقى انت اللى ليه مهما بعدنا يا غالى
و تشغل كل عمرى وتملا كل الليالى
والحقيقه تبقى هى تمام زى خيالى
ميهمنيش حكمك يا قاضى